عدنا كما وعدناااااااااااااااااااااااااااااااااااااااااا

والله وحشتونى بس اشتغلت بقى وبقييت مهمة اخييرا بعد تخرجى بسنة حسيت بوجودى
بس انا مجنونة وممكن اسيبة ادعولى بقى انى استر على نفسى لمدة شهر على الاقل
ماعليينا
المهم هحكلكوا بقى على رحلة روحناها كلنا مع بعض
(رحلة ماجييك لاند)
المهم طلعت نتيجة الترم الاول من سنة اولى بعد اعداى كلنا نجحنا لكن القدر ماينفعش لازم يلعب لعبتة
زى فيلم الست فاتن حمامة لما كان اسمها نوال اية العلاقة ماعليينا؟
الست دوزو شالت 3 مواد وتعيط واحنا نطبطب علييها
زى الست نانسى عجرم اطب اطب وادلع ماعليينا بردة
المهم كنا حاجزين رحلة ودفعين الفلوس وخلاص
والمهم مش فكرة بقى ميين كان عايز يعمل عبد الستاار ومش نروح الرحلة ماعليينا
قولنا نروح بقى ويبقى تغييير جو ماعليينا
نتكلم على الفضايح بقى ؟
هنجيب أكل اية واحنا رايحين الرحلة يلا نلم فلوس
واتفرجوا على الفصال ههههههههههههههههههههههههههههه
انا هدفع 3 جنية لا 4 لا 5وخناق وفضايح
المهم رسينا على على 5 جنية كل واحد وطبعا انا باشا مش بعمل حاجة خالص
الست رمشو هى وهبييظو هما اللى تتطوعوا وعملوة الاكل كلة
وشوفوا الفضايح بقى ؟
كل واحد لية الكيس بتاعة محدش يأكل من حد بلاش طفاسة
والله مسخرة جداااااااااااااا صح
ماعليينا هنبقى ستات المستقبل ولازم نبقى مدبرين
وروحنا الرحلة وطبعا كنا بنغنى وعايشين بقى حياتنا لكن الحلو مش بيكمل
ربنا رزقنا بشوية بنات أوف مش عايزين غير يرخموا على بعض
وكل شوية وطوا صوتكوا صوتكوا عالى وغلاسة بغلاسة بنعلى صوتنا
هيعملوة اية يعنى هيقطعولنا لسانا مثلا !
المهم البنات تحالفوا مع المشرف وباقى الاتوبيس وكلهم بقم عليينا
كدة بقى اكييد هيكسبونا صح ولا لا ؟ منطقى يعنى
عارفين الغل بس مش اى غل غل بنات
كنا بنغنى بغل وكدة علشان نغطى على باقى الاتوبيس وفعلا نجحنا
8 بنانييت ضد 40 بنت شايفين بزمتكوا مش نحقق اى حاجة لمصررررر
مصر تؤمر اى خدمة يا مصر احنا ممكن نعملك اى حاجة
ماعليينا روحنا المدينة وشوفنا ممثليين واتفرجنا على مسلسلات وكدة وعشنا حياتنا وعيشنا اليوم يعنى
بس طبعا مروحناش مع باقى الرحلة انفصلنا عنهم انفصال تام
وطبعا اتاخرنا ساعة على معاد التجمع عادى لأننا مصرييين عادى بردة
المهم ركبنا الاتوبيس وكلة عايز ينام ههههه واحنا مصححين وعايزين نغنى ونقضى اليوم للأخر
والباقى طبعا مش موافق خالص وعايز ينام واحنا ابدااااا مخدوش يا بابا مخدوش يابابا
عادى يعنى مزاجنا كدة زى سوكا فى فيلم ابو على
الجدييد بقى كنا افشين مع المشرف ؟ فى الكلام وكدة وباقى الناس طبعا مضايقين اننا مأخرنهم ساعة واحنا ولا الهوة عادى ولا اكننا عامليين حاجة
دخلنا الاتوبيس وقولنا هنظبتهم بقى استحلاف بنات بقى
دخلنا ونغنى وبصوت عالى ونقول للمشرف اغنية من فضلك لو سمحت نزل اييدك تحت
قلة ادب صح
وهو يبصلنا زى ما يكون عايز يقولنا الله يلعن مجانية التعليم
كنت بحس انة عايز يقلع الجازمة ويحدف كل واحدة بالجازمة حدفة لاتؤدى الى عودة الى الحياة
حتى واحنا نازليين من الاتوبيس ياااااااااااة على الراجل مش قادر هيموت خلاص
وعارفين ضحكة الغيظ اللى بتغيظ اى حد يا سلام على البنات
إنا كيدهن عظييم
الله لايأمر علييك ظالم على راى السعوديين صح ؟
لا الصراحة افتريينا كتتير على البنات وعلى الاتوبيس كلة والمشرفين
ربنا يستر على اخرتنا
شئ لايصدقة عقل والله سبحان الله بقيينا عاقلين جدااااااا
مش عقليين اوى بردة
معلش بقى لو اتأخرت فى الحلقة الجاية بس هبقى مشغولة بقى محدش اشتغل زى
متواضعة جداااااااااااا احد المميزات اللى فية انسانة والله

أية الاحراج الجاااااامد دة

عمرى ما كنت فى موقف زى دة إحراج غير عادى بما انكوا بقيتوا فى حياتى
كنت بأخد كورس كومنيكاشن سكالس يا سلام الانجليزى بتاعة تحفة صح ولا لا ؟
المهم قابلت ميين بنوتة عسولة جدااااااااااا وانا حبتها اوى
المهم كل الحوار اللى ما بينا كان على الكورس
وانا طبعا مش بسكت عمالة اتريق على الراجل اللى بيدرس معرفش بيشتغل فيين
يلف بس وانا اقلدة والعيال كلهم يضحكوا وهو يلف وانا اطلع منها زى الشعرة من العجين
كلهم بيضحكوة وانا الوحيدة الى محترمة ومحترمة الاستاذ
واقول للبنوتة وهى بالذااااااااااااات شوفتى بيعلمنا مهاراااااااات الاتصال وهو عايز اللى يعلمة صوتة يطلع ويتحرك يا شيخة دة انا ادرسلة دة غريب جداااااااااااااااااااااااا
سبحان الى شغلة كمدرب تنمية بشرية
وبعد 3شهوور وانا اقول هو اية الكورس اللى مش عايز يخلص دة لدرجة انى كنت فكرة ولان خيالى خصب ان الراجل معجب بية بس انا طبعا
مخدوش يا بابا مخدوش يابابا
انا اتجوز واحد هادى بلا ارف دة انا شعنونة ومهبوشة
وفجأة بقى بعد 3شهور افوجئ بقى البنوتة العسولة جية تقولى اية ؟
نونو
نعم
عندى ليكى فجأة وهخرعك اتخطبتت
مبروك يا لولو ربنا معاكى ويباركرك ها ان شاء الله الخطوبة امتى وتظبتيلى حد من صحاب جوزك بقى
اة طبعا دة كمان يعرفك قولتلها يعرفنى هو انا اتشهرت للدرجة دى المدونة بتاعتى مفيش حد بيدخلها بلا نيلة البيت دى هبلة ولا اية
قالتلى لا دة العريس المدرب فلان الفلانى قولت اوف اية الاحراج دة اكييد كانت بتحكيلة على اللى كنت بعملة واكييد بيقول علية اية ؟
يا نهار ابيض مسااء الاحراج الجامد اصلح بقة معاه ازاى ازاى ؟
قولت ضحكة يوم الخطوبة مع نظرة اسف اكييد هيتصلح
اة يا نونو ياهبلة هتخاف تجيبك الخطوبة تحسن تتريقى علية يومها ؟
بس بعييد عنكوووووووا دى اخرة التريقة
وياريت محدش يعمل زى نونو الوحشة تانى
درس اتعلمتة يارب ومش هعملة تانى
توبة توبة توبة

ولابد ان يكتمل مثلث الشر

ازيكو
انا مش نونو
حزرو فزرو انا ميييييييييييييييين

انا بيظوووووووووووووووو

مكنش ينفع يانونو ياحياتي تنزلي حلقه عن بيظو ( اللي هو انا بكل فخر )
ورماشيشو صديقتي

وميبقاش في حلقه عن الضلع التالت ف مثلث الشر بالشله

مين الضلع التالت

نونو صقف ياجدع

نبدا الحلقه

اول مره شوفتها لاقيت بنت غريبه كده لابسه بلوزه روز وبنطلون اسود باين المهم
( داين تدان يانونو ياقلبي )

وبما اني هبله زي مبيقولو وبحب كل الناس علي روحي
اتهببت علي عيني
وقعت معاها هي ومشرط وانتو عارفين اللي انا عملته

المهم
اكتر موقف فاكراهلها ومش حنساه ابدا ويمكن انت نفسك مش فاكراه

بكل فخر يوم مانا شيلت مدتين وهي رجعت من الكليه لقيتني مش بعيط بس قاعده قدام الكمبيوتر فراخ ( فرخوته بلغة الشله )

وراحت هي معيطه ووخداني ف حضنها
يمكن تكون هي شايفه ان الموقف ده عادي بس كان عندي كتيييييييييييييييييييييييييييير اوي لانها معملتوش مع حد بعد كده

اكتر موقف وحش
انها فضلت فاكرالي اني قلت الموضوع اللي هي حكتهولي لاتنين ف الشله
ومع اني اعتذرت كتير جدا
زلتني بيه مره بجد وكان سبب اني عيط
بس بعد كده الموضوع اتظبط وهي لمت لسانها معايا وزي مانتو شوفتو محكتهوش وهيس بتتكلم عني خاااااااااااااااااااااااااااااالص ( اصيله )
نيجي لاهم موضوع
فضايح نونو الازليه
لو كنت انا استاذه ف الجعر
فنونو استاذ ورئيس قسم استنتاج
يعني مثلا
هي شايفه ان كارول سماحه ف اغنيه اطلع فيا هيك مكنتش بتخلف وده كان سبب المشكله بينها وبين جوزها
كمان جورج وصوف بدل مبيقول ولا بقالك فجاه ضمير
هي بتسمعها دبابير

الطاااااااامه الكبري
جات ف يوم ف رمضان جايبه معاها ورقه فيها مسابقه وقالت احنا نحلها والجايزه رحلة عمره نهديها لطنط مامت سيمو
وبعدين حتعرفو ليه مامة سيمو بالذات
المهم وافقنا واتحمسنا جدا
المسابقه كانت عباره عن تلاتين سؤال كل سؤال اخراج كلمه من جزئ بتبدا بحرف الميم وهو عاطينا المعني بتاعها
وف اخر يوم للمسابقه انا ورمشو قعدنا للساعه 7 الصبح بنطلع ف الاجابات
وفجاه رمشو قالتلي انتو عرفتو منين ان الجايز عمره
قلتلها تلاقيها مكتوبه
قالتلي لا
طبعا هي قالت كده انا فهمت ورحت مصرخه
ياانووووووووووووووووووووووووووووووووووووونو
وجات نونو
عرفتي منين ياحياتي ان الهديه عمره
ضحكت وقالت
بستنتج

ردو انتو بقي

كفايه فضايح كده

كلمه عاوزه اقولهالك
الناس بيقولو عليكي انك بتريحي دماغك
لا يانونو
انت بتحبي اللي بيحبوكي وةاللي بترتاحي معاهم ومبتريحيش دماغك معاهم ( بس ساعات بتعمليها )

من بيظو لنونو

الفتره الاخيره انا وانت كنا سوا دايما بفضل النت طبعا
بس انت كنت معايا ف اوقات كتير صعبه اوي عليا
شكرا علي كل حاجه حلوه عملتيها
وكل مره هزقتيني فيها ظلم
وحشتين جدا
جدا
جدا
ومنسيتش العزومه
مع تحيات
بيظوووووووووووووووو

نتكلم بقى عن رمشووووووووووووووووووووووووووو

بأمانة ومن غير كدب ورغم انها مكنتش بتحبنى وبتقول علية سمجة
بزمتكوا انا سمجة ؟ سؤال وعايز جوااااااب
نرجع على للرمشوووووو بجد بموت فييها وبحبها جدااااااا وعزيزة علية اوى ومن الشخصيات الى اثرت فية واتعلمت منها كتير جدااااااااااا
واحدة شوفتها فى الكلية وبعدين تقولى المحاضرة فين وانا انفضلها طبعا دحيحة بقى
وبعدين اروح المدينة اشوفها ونفضل واخدين جنب من بعض فترة حلوة جداااا
نشوف بعض ننفض نركب مع بعض ننفض كل حاجة نننفض
وفجأة القدر يخلينا مع بعض واصحاب وكدة
سبحان الله بجد مواقفى مع رمشيشو كتتتير جداااااا
بس اكتر موقف لما عرفت انى انا ومشرط مش ولاد خالة لا من الاول ع الحبايب
كنا ماشين فى العتبة وبنشترى بقى وفجأة انا اطوعت وقولتلها
رمشوووووو نعم
انا نونو حبيبتك صح انتى هبلة ولا اية
طيب امتى مش تعرفى نونو حبيبتك مساء الهبل
طمنتينى جدااااا بصى بقى انا ومشرط مش ولاد خالة من الاخر كدة
احنا كنا بنضحك علييكوا مامتى لما جت معانا المدينة علشان توصى عليينا
قالت كدة واحنا معرفناش نطلعها كدابة مثلا
رمش قعدونى الحقونى محدش فييكوا يلمسنى قعدونى
قعدونى انا دايخة حد يجبلى حاجة مسكرة
انا قولت لمشرط شوفتى يا رتنا مقولناش لحد وفضلنا ولاد خالة
يعنى اية انتوة كدابين انتوة كل حاجة كدب اكن عندها الشريط سف
ودماغها مش سافرت لا هربت هروب بلارجعة
كل ما افتكر اضحك اضحك هههههههههههههههههههههههه
بس اكتر حاجة بحبها فيها حنينة وطيبة وجدعة لو كان لية اخ كببيير كنت دبستها فية
ملهاش نصيب ابقى حماتها واعملهم علييها
اكتر حاجة بكرها فييها بقى انها بتبقى عايزة ترضى الناس كلها وساعات بتتفهم غلط
والناس يقولوا علييها منافقة بتصعب علية والله
لازم تعرف ان الغلط غلط والصح صح
اكتر موقف وحش حصل بينا كنا فى سنة تالتة وبعدين طلعنا رحلة وانا زعلت مننها اوى وانا علشان لما بزعل مش بتكلم ففضلت واخدة موقف ومش بتكلم واتصالحنا بعدها بفترة بس كان موقف صعب اوى وعمرى انا ورمش ما زعلنا من بعض غير المرة دى
كانوا العيال اللى جنبنا كل شوية فى المطبخ كانوا من الوادى الجدييد كانوا ع طول فى المطبخ واكل بقى يا سلام
وانا اروح اتنح عليهم بقى فى العشا ورمششو تجبنى من شعرى وتقولى هتفضحينا حرام علييكى ادخلى هبقى اعملك
انا بقى قررت انها تبقى مين فى المدينة أمى حبيبتى
بس بصراحة البيت دى انا بموت فييها كلية ومدينة بقى يعنى حبيبتى حبيبتى
صحيح ما محبة الا بعد عداوة

ماذا تعرف عن بيظووووووووووووووو

الاسم بيظوووووووووو هانم رقصت على السلالم
اتعرفت عليها خدت منها موقف زى الزفت اول ما شوفتها بالشعرتين الصفر والجيبة الصفرة وعملالى نانسى عجرم
خدت منها موقف لله فلله وقولت سيبك يانونو كلة بيعدى باين المدينة دى هتبهدلنى على الاخر
أكتر صفة بقى بحبها فييها انها شبة اللبن بالظبط وبالصراحة انا البيت دى بحس انها بتتعكر بسرعة لان البشر دلوقتى بقيم صعبين خيانة وغدر حاجة تقرف جدااااااااااااااا
اكتر صفة بكرها بقى مش بتعرف تأخد قرار ؟
لازم حد يساعدها فى القرار
أكتر موقف بجد حصل بينى وبين بيظوووووووووووووو
الحلو ! الصراحة البيت جدعة جداااااااااا كنت تعبانة جدا وكان عندى تسليم اعمال سنة وهى راحت تسلمة مكانى فى الكلية عمرى ما اقدر انسى الموقف دة اببدا
الوحش!مرة كنت حكييلالها حاجة هى لوحدها وفجأة لقييت فية اتنين يعرفواا الموقف بالزمة ينفع تبقى حاكى سر وفجأة يبقى حكاية بين الناس وبعدين زعلت منها جدااااااااااا
بس الصراحة ياجماعة انا البيت دى بجد بقتقدها وبخاف علييها جداااا ومعزتها عندى غالية موووووت
والصراحة هما العيال بتوع الشلة بتاعتى كانوا كلهم عسل بس بيظوو ليها معزة كدة بردة صحيح مش بيتبل فى بوقها فولة
لكن بردة دى بيظوو هانم رقصت على السلالم
وبعدين بيظووو تشبة منى زكى فى مسرحية كدة اوك للعايز يتخيلها يعنى ؟
مرة بقى مكنش نفسى اروح المدينة وكان نفسى اخرج والف فى حلوان وجت معايا وفضلنا نلف نلف لغاية ما رجلاها ورمت ههههههههههههههههههههههههههههه
افتكرت حتى موقف يموت من الضحك مرة كنا ركبين تاكسى وطبعا علشان احنا بنحافظ جدااااااااااااااا ركبنا خمسة فى التاكسى وطبعا انا ركبت على رجل بيظووووووووو
ورجرها ورمت تعبت جامد جدااااااااااااااااا
بيظووووو واحنا فى اول سنة كانت بتيجى ليا انا ومشرط تجبلنا شوربة ومكرونة بعد ما تتخانق مع رمشو ودوزو طبعا لانهم كانوا بيحبونا حب عبادة
وطبعاااااااااااااااا انا كنت اقول يع اية الارف دة وأقوم واخدة الاكل واقوم رمياة واقولها شكررررررررررررررا
لانى كنت بأرف بقى ومش باكل غير من ايد ماما
وطبعا بعد بقييت اتحايل علييها علشان تعملى أكل حلو بقى من بتاع البيت
كلمة اقولها لبيظووووو حبيبتى ؟
وحشتنينى اوى ونفسى نتقابل بقى صحيح اول العوزمة انتى اللى هتتتدفعييها كلها
غداء وبييسى من اللى صفيحة وممكن نقعد شوية فى كوفى على النيل
كلة على حسابك فاهمة والا لا
ونفسى تركزى وتعرفى تأخدى قرار صح وتعرفى تحكمى على الناس صح ومش كل حاجة حسن نية الزمن دة زمن ما يعلم بية إلا ربنا العيب مش فييكى العيب فى الناس
وياريت تفتكرى نونو دايما زى ماهى فاكراكى

مساء الاحراج الجامد جداااااااااااااااااااااااااااااااااااااااااااااااااااااااااااا

والله يا جماعة انا هحاول افتكر مواقف محرجة لكل واحد من شلتى العظيمة
أعظم عظمات الشلل
هبدأ بموقف عملناة كلنا فى بيظو هانم رقصت على السلالم
كنا فى سنة اولى بعد أ عدادى وكانت بيظو هانم مريحة فى بيتهم قولنا نعمل فجاة ونخرعها الخرعة التمام ونروح بيتهم فجأة ونخرعهم كلهم ونعرف ابوها وامها اننا مش اى حد
بس تخيلوا الاحراج فجأة تلاقى حد بيكلمك انا على اول شارع بيتكم متهيألى انها حاجة ساقعة صح ؟
والله ابوها وامها دول ناس زى العسل كويس انهم مألوش عليينا اية الصحابك دول مفيش احساس خالص مش عارفة كان دماغنا فيين
بس جدعيين صح ولا مش صح ؟ تطلع من صحابكم بزمتكوا طبعا لا علشان تعرفوا الفرق ؟
ساعات تلاقى نفسك مكسوف اوى ومش عارف تقول الحقيقة بس دة لية علشا ن ميبقاش منظرك وحش
دايما ببقى فى الموقف دة على طول بسكت وتكتم هعمل اية يعنى ؟
علشان كدة العيال كلهم بيقولوا علية انى بريح دماغى ومكبرة الطاسة لغاية مهتفرقع
على فكرة سيمو مكنش حد بيحبها كانت اقل واحدة حد بيحبها لاننا كنا فاهمنها غلط مش علشان حاجة وحشة فييها احنا كنا فاهمنها مش صح وكنا بنتكلم عليها من وراها يعنى بصراحة سيموو اكتر واحدة احنا ظلمناها فى الشلة وانا بعتذرها وبتمنى انها تسامحنى على اى حاجة مكنش قصدى فييها
كان موقف بين مشمش وهنوو وسيموو ودوزو هما كانوا فى الكلية مع بعض كانوا بيذكروا سوا وكدة
وبصراحة سيموو بتحب تتكلم كتتير اوى وهى بتذاكر
دوزو وهنووو ومشمش قالوا ان سيمو بتعطلهم بتعطلهم ى المذاكرة موقف اية بقى اللى حصل محرج
كانوا بيذاكروا كلهم سوا ومشرط دخلت عليهم قامت قاليلالهم انتوة مش بتذاكروا لية
وهزقتهم كلهم إلا سيموووووووو
سيمو خدت الموضوع بحساسية ان مشرط الشرير عايزة تحمة هنوو ومشمش منها
وفضل الموضوع مضايق سيمووو لغاية فترة قريبة
تخيلوا ان رمششو ومشرط كانوا دايما يحرجونى ايام الامتحانات خاصة ايام المكانيكا والرياضة والتفاضل والحاجات دى
يبقى فى مسألة مش فهمنها انا مش بحب اعمل لنفسى مشكلة خالص اية اللى هيحصل يعنى ؟
اقوم واخدة المسألة زى ماهى واركز مع الخطوات واحفظها وهما يتريقوا علية مش عايزة تتعبى دماغك حتى انك تفهمى خالص كدة
ناس معندهاش دم صح ولا انا غلط
فاصل من المواقف المحرجة لانى احمريت من الاحراج حتى شايفين الخط
بيظو ورمشو كان ليهم عادة ربنا مايقطعا ليهن ابدااااااااااااااااااااااا
العشاء بتاعهم غريب اوى اربع سندوتشات كل سندوتش نص رغيف وحياة ابوكوا ينفع كدة
1- سندوتش جبنة بالخيار
2- جبنة بالطماطم
3- بيض بالجبنة والفلفل
4-الحلو بقى حلاوة
والله غلبوة الحج حلاوة العنتبلى
شئ لايصدقة عقل ربنا يستر على الكريسترول
احنا كلنا نأكل انتين وهما اربعة
وانا فى عقل بالى اقولهم كدكوا كبة مربعة
نرجع للاحراج بقى كان فى احراج كتتتير بين سيمو ومشرط بس انا مش فاكرة بقى
هحكلكوا على بقى حتى موقف محرج يااااااااااااااااااااا العيال هيمرمطونى
كان مرة رمشووووووو مسافرة بالشنطة واللوح علشان المذاكرة انتوة عارفيين انها كانت دحيحة
المهم كنا فى المترو كلنا وبنغنى بقى وعايشين دور سهر الليالى بقى وبنغنى ومركزيين احلى تركييز
المهم جيينا ننزل رمششو نسيت شنطة اللوح اللى فيها شغل السنة كلة وطبعا كان موقف محرج ان احنا السبب لاننا كنا بنغنى ومش واخديين بالنا يعنى احراج جامد
قولنا هنروح نبلغ فى شرطة المتروو وهما يقولوا للسواق وفضلنا كدة اسبوع بنجرى
فى كل الاقسام اللى فى المتروووووو
لغاية ما اتحفظنا ومن طرة اللى المرج
شئ لايصدقة عقل حاجة مسخرة
وقلم رصاص بضحك معااااااااااااك
بس المواقف كتتتير بس والله مش فى الموود خالص ومزاجى متعكر ومش مركزة وووعد
اعوض الحلقة تانى
بلازعل اتفقنااااااااا مش عايزاكوا تقولوا نونو رخمة وكدة بقى والرخامة دى تحسن يطير فيها رقاب
لو ممكن بس يعنى هبقى رخمة واطلب منكوا طلب عسول لنونو
ياريت تتدعولى كتتير اليومين دول

فرافيررررررررررررررروا

وبسبب طلب الجماهير لمعرفة كثير من الفضايح والتفاصيل اليكم النبأ الاتى
مكنتش عايزة اجيب فى سيرة حد بس نعمل اية نزولا لرغبة الجماهيير
أحنا كنا ثلاث حجرات اوك لمحبى التفاصيل
الحجرة الاولى نونو-مشرط
الحجرة التانية رمشو- بيظو-دوزو
الحجرة التالتة هنووو- مون مون -مرمر
مرمر اسمها الانسة المبجلة اميرة خيالها غلبنى والله
احنا شلة بتحب الضحك والهزار نضحك ونهزر نلاقى الانسة تعمل اية بقى تتدخل البلكونة وتسرح وفجأة تخرعنا وتعيط
مالك يا مرمر مفيش افتكرت خطيبى اللى مات واحنا نتأثر ونعيط يالهوى يا ما فى الدنيا مظاليم
ماعلينا اللى يشوف بلاوى الناس تهون علية بلوتة
وتيكررر الموضوع قولنا لا البيت دى متأصرة بأمينة رزق فى فيلم بائعة الخبز
كل شوية تسرح وتعيط وميحلاش غير واحنا بنضحك وبنعمل ريفريش
انا الصراحة كانت بتصعب علية واقول دى غلبانة معلش خليكى جنباها
المهم زهقت بقى وقولت اسيب الموضوع لبيظووووووووووو لانها غاوية اعانات للبشر
كنا بقى ماشين فى يوم بنتسنكح فى حلوان شوفنا محل دهب وقفنا أدامة طبعاااااااا نتفرج على الدبل وكل واحدة تسرح فى خيالها ومع فارس الاحلام
لقيينا مرمر هانم رقصت على السلالم بتعمل اية قال اية ؟ شوفنا طقم ييجى كدة 100الف جنية
الهانم بقى تقول اية دة زى الشبكة بتاعتى بالظبط ازاى يا مرمر انتى مش خطيبك مات فى حضنك
ولادة كانت احلام ولا اية قالت لا دة خطيبى الاول لكن محمد ابن عمى خطيبى التانى هو اللى جايبلى الشبكة
قولت اة انا بينى ركنت الفيل الابيض على اول الشارع قبل ما ادخل المدينة
ماعلينا قولت ان كان على اد الجعر مفيش مشكلة هستحمل ومفيش مشكلة
وفى يوم حبيت اعمل مقلب واخبى الشاى والسكر ادور اخبيهم فييين فييين يانونو ؟
لقييت شنطة فاضية قولت مش هييجى فى دماغهم المكان دة فتحتها بخ لقييت اية ؟
شاى وسكر ونسكافية ومكياج وهكذا يجرحنى دايما هكذا ووووهكذااااااااااااااااااا
ابص اسأل دى شنطة ميين بقى لقيتها شنطة مرمر هانم رقصت على السلالم
قولت بخ بقى لازم اقول للعيال ويشوفوا هنعمل اية ؟
اقولكوا الريكشنات بقى ؟
بيظووووووووووو دخلت فى كومة من الصدمة
هنوووووووووو سابت المدينة وروحت
مونى مكياجى داهية لاترجعها
مشرط ضحكت ضحكة بلهاء
رمشووووووو كادت ام تفقد العى
دوزو كنا خايفين نقولها لانها بتحب مرمر جدااااااااااا
نونو ضحكت من هنا للسنة الجاية وقولت اشتغلها فى الازرق مرمر هى الشنطة دى فييها اية ؟
نونو لوسمحتى إلا الشنطة دى فيها هداياا محمد خطيبى وانا مش بحب حد يشوفهاا
هو انا حد بردة يا مرمر عيب علييكى
لوسمحتى هنخسر بعض قولتلها نخسر هشوف الشنطة لغاية ما خدت الشنطة وقفلت علييها الدولاب بالقفل
وخلصت الحكاية مرمر طفشناها بالزوق وسابت المدينة

ونظرا للأقبال الغير عادى هنزل الحلقة الاولى!

ردى استيدى جوووووووووووووووووووووووووووووووو
وبعد التعارف المبهج والتتدبيس خلاص ان دول اصحابى بدأت المأساة بالنسبالى خاصة انى مكنتش حباهم بالشكل اللى يخلينى اعيش معاهم قولت ماعلينا سنة وهتعدى
وعيشنا مع بعض اتفرجوا بقى الست بيظووو تقول اية قولتولى اية ؟
انها وهى فى رحلة مع المدرسة شافت 3 معزات واقفين فوق الهرم الكبيير
قولت بس مساء الجعر أحنا هنبدأالسنة كدة ولا اية وفضلت اركز معاها جدااااااااا كل ما تقول حاجة أقولها زى 3 معييز اللى فوق الهرم لغاية هى نفسها اتعقدت منى ومش عايز تتكلم ادامى علشان انا بكشفها على مين فى سنة اولى بس عفريتة هو انا اى حد دة انا نونو
صحيح كنت هنسى سيمو قررت انها تستقر معانا بالاجبار وهنحبها بالغصب كدة جواب نهائى يعنى ؟
المهم فى بنت اسمها فوفة لقينها جاية عليينا وقررت انها تستقر هى كمان معانا
انا قولت بقى هى خلاص بقى بقيينا ملطشة كل واحد عايز ييجى يستقر ييجى عندنا عملت فية عبد المنصف المهم نظرا لشخصيتى القوية ولا عملت حاجة المهم لقيينا فوفة تقول اية معلش ياجماعة انا مش هقدلر اكل معاكم اصلى مش باكل غير بسكوت وسادة اصلى وقعت من رابع دور وعندى كسر فى العمود الفقرى وجدار المعدة معرفش فية اية ؟
واحنا نبصلها كدة نقول هيهون علينا نأكل وهى لا حرام ونعيط
وتقولنا معلش يابنات انا هنام بس محدش ييجى جنبى اصلى مش بنام غير جنبى اليمين اصل عمودى الفقرى لو نمت علية ممكن اتشل ؟
واحنا نقولها يانهار ابيض احنا هنعمل دوريات علشان لو اتقلبتى على ظهرك نلحق نرجعك لوضعك ونعيط ؟
قوم اية بقى شريحة مشرط الشرير اتحرقت قولنا صدفة طبعا
فلوس بتسسرق قولنا الزهيمر جالنا بدرى من الهرومنات
وبعدين اية فجأة وبدون مقدمات لقيينا البنات بيحذرونا من فوفة قولنا يااااااااااااااااا
احنا طلعنا أفة كبيير
قؤؤنا ان احننا ننتقم واحنا فى سنة واولى وهى فى تالتة
عملنا فيها عبدوة العبيط بقى فوفة انا جعانة مكن تعمللنا اكل وهى تقولنا علشان قلبى الطيب هعملكوا فوفة ممكن تلخصلنا المادة النظرى الرخمة دى وتقولنا دة انتوة قلبى
بس حاسبى ظهرك واوعى تكلى حاجة تحسن تتشلى
قولنا نشتكى قوللنا القانون لايحمى المغفليين
قولنا بنتعلم وبدانا رحلة الكفاح اختكوا نونو بقى كانت عايشة الدور شوية كنت اجيب ورق واقلام واوزعة على البنات واقولهم طلعوا كل اللى جواكوا وانا هحلل شخصياتكوا العظيمة
والعيال الهبل يصدقوا ويعيشواااااااااااااااا وانا احلل الشخصيات
رزق الهبل على المجانين
على فكرة انا كانت دماغىمسافرة فعلا كنت غاوية تخيل وافلام عربى واكشن
لاتقولولى احمد السقا ولاكريم دة انا نونو بخرج والف وامثل كلة فى نفس الفمتو ثانية
فعلا الدوك احمد زويل الوحييد اللى خدمنى فى حكاية الفمتو الى بيقول عليها
نسيت حاجة مهمة مشرط الشرير كانت قربت من واحدة عسولة اسمها مونى انا بقى الدم غلى فى عروقى وعملت فيها فاتن حمامة فى فيلم لاانام وقولت انتقم بقى
مش بقولكوا خيالى واسع جدااااااااااااااااااااااااااا بس معملتش حاجة زى الحاجة فاتن
بس خيرت مشرط بينى وبين فاتن حمامة قصدى مونى
بس والله بعدين ندمت والله وزعلت من نفسى جدااااا عقلت بقى زى فاتن حمامة فى سيدة القصر واعتذرت لمونى ودلوقتى علاقتى بيها حلوة اوى الحمد لله
نرجع لمرجعونااااااااااااااااا كنا نتقابل انا مشرط ورمشوو
ونعمل نفسنا مش واخدين بالنا من بعض ورغم ان احنا بقيينا اصحاب بس معرفش (غل بنات بقى )
والعلاقة اتغيرت واتحسنت شوية وبقيينا لنا نقابل بعض نسلم ونمشى مع بعض
ونتيجة الترم الاول طلعت رمشو كانت دحيحة بقى وانا ومشرط نايمين كالعادة طبعاا
كلمتنا وقالت نجحتوا ياعيال تعالوا بقى علشان نخرج انهاردة ونحتفل بالنجاح
رديت عليها بمنتهى السماجة طيب احنا جايين الى الان رمشوو مضايقة من الموضوع دة وبتقول علية سمجة
بزمتكوا انا سمجة دة انا حتى عسل
باينها سنة مش معدية صح ولا انا غلطانة
قوم اية بقى السنة قربت تخلص وانا عادى مش فارقة المهم حسيت انى بدات احبهم يادى النيلة انا مش بحب اربط نفسى بحد اعمل اية ؟
باينك يانونو ادبستى باين كدة ؟
والسنة خلصت ياترى ياهل ترى اية اللى حصل ؟
غدا لناظرة قريب

التعارف الغريب جداااااااااااااااااااااااااااااااااااااا

أولكشى انا طبعا نونو اللى بحكى وهعرفكوا على اعضاء شلتى المصونة بس واحنا بنحكى علشان محدش يزهق ويقول اية البيت
الرخمة اللى تخنق دى
اول لقاء كان عجيب أوى واحدة جاية تسكن فى المدينة الجامعية وشايفة الحياة وردى جداااااااا هبقى مهندسة كمان خمس سنين
وهعمل عمايل وارجع البيت اقول لبابا انا لايمكن اقبل مرتب اقل من 3 او اربع الاف هو انا اى حد
دة انا نونو اكن مفيش مهندسين غيرى
نرجع للى بنقولة رايحة اسكن قوم اية بقى اقابل واحدة عجيبة جدااااااااا ضربة شعرها اصفررررر ولابسة جيبة صفرة قولت بس هو يوم باين من اولة هى المدينة دى بقى هتورينى اللى عمرى ماشفتة ولا روتانا سينماااااااااااااااااااااا (دى بقى طلعت بيظو)
وبعدين اتعرفنا وبما انى علشان تعرفوا حاجة من الاول مش بعمل حاجة فى حياتى غير انى بضحك فحبونى
وبعدين روحت كليتى بقى قوم اية تانى اقابل واحدة غريبة اوى تكلمنى على مكان المحاضرات والافلام دى عملت اية سبتها ومشيت ومحطتش فى دماغى قولت هو انا هبدأ اذاكر من بدرى كدة بلاخيبة انا زهقت من البنات الدحيحة (دى بقى طلعت رمشوووو)
اة على فكرة انا كان معايا انتيمى العسولة (مشرط الشرير )لانها شريرة وبتحب تموت الناس من الرعب واخدة رامز جلال قدوة
وبعدين ماعليينا علشان متقولش علية رغاية ولا قولتوة وبعدين رجعت المدينة قولت بقى هشوف البيت اللى ضربة شعرها اصفر اوف كنت حاملة الهم اوى المهم يومها بقى راحت هوبة قالت لمشرط انا هبات معاكوا انهاردة علشان مش عايزة ابات لوحدى قولت من اولها معلش يا نونو حرام بردة قلبى طيب بقى هعمل اية ولقييت بقى اسطوانة الرغى بدات انااصلا بحب الرغى جدااااااااااااااااا
لكن مش حد يشوفنى بغمض عينى وبنام ويرغى بردة اظن انها رخامة صح ماعلينا قولت جايز مش واخدة بالهااااااا
ولقييت بقى اسطوانة العيلة وتحكى عن عمامها وعماتها وعيلتها كلها تقولش تبقى قريبة السفير الامريكانى
المهم خدت المخدة على وشى وقولت هى بينها سنة مش فايتة كان مالى لا يا نونو متقوليش كدة انتى هتغيرى مقاييس الهندسة وهتبقى احلى مهندسة المهم قولت ماعليينا فدى تغييير مقاييس الكون نسمع للست بيظو ونسمع حكايات عيلتها اللى مش بتخلص لغاية دلوقتى من 6سنيين بزمتكوا مش حرام هو فرض ماعليينا
واتعرفنا على بنات كتتتير جدااااااااا بس ماعليينا علشان مدخلكوش فى متاهات وتزهقوا وتقولوا انى رغاية
المهم تانى يوم بقى اقبلينا الست رمششو فى المدينة وبعدين راحت قالت بيظووالعيال دى انا مش طايقاهم علية انا ومشرط
دول اقبلونى فى الكلية ومعبرونيش دول رخميين وانا مش عايزاهم ييجوا عندنا تانى كل واحد بقى يلزم حدودة المهم بيظو تقولها دول عيال كويسين وهى ابداااااااااا (مخدوش يا بابا مخدوش يابابا)
واحنا طبعا هبل ومنعرفش حاجة وبنروح عندهم بقى ورخامة وكدة وطبعا عرفنا الموضوع دة فى قاعدة صراحة الى بتبقى من القلب
يبقى كدة انا عرفتكوا علية نونو -مشرط -بيظو -رمششو
(اول تجمع فى شلة ط الق )
اتجمعنا بقى المهم فى واحدة جدييدة جت مع بيظوو ورمشوو اسمها دوزو المهم كانت مش بتعمل حاجة غير انها تقرأ لأدهم صبرى
واحنا كلنا نبصلها كدة اية عبقرينوو دى هى مش بتزهق هى رخمة كدة لية المهم قولنا هى مش بضايقنا خلاص انشاء تقرأ لعبد الستار صبرى احنا مالنااااااااااااااااااا
وبعدين جت بنوتة جدييدة اسمها هنوووو الصراحة بنوتة لغاية من يوم ماشوفتها وانا بحبهااا وعمرى ماحسيت بأى رخامة وانا بتعامل معاها هى عاملة زى العيال الصغيرة تحطيهم وتحطلهم اللعب بتاعتهم وتنسى بقى يناموااااااا اى حاجة
وبعدين فى يوم دوزو جت جايبلنا سيمووو حاجة غريبة اوى الواحد يدخل على اصحابة بسندوتش - حاجة حلوة
مش انسانة المهم كلنا استغلسناها جداااااااااا قولنا مين البيت اللى جاية على بيات دى حاجة غريبة فعلا
الواحد ييجى بقعد ساعة اتنين علشان القاعدة حلوة مش من اولها بيات كدة
وبكدة ابقى عرفتكواااااااااااا على النص التانى (دوزو- سيمو-هنوووو)
هنووو تسكت بقى لا قالت اشمعنى دوزو جابت واحدة هى اقل منى فى حاجة راحت هى كمان جبتلنا واحدة مش عارفة بيصطدوهم من اين والله ناس غريبة جدااااااااااااااااااااااااااااا
هنووو بقى جبتلنا واحدة اسمها مونى تخيلوا الرخامة تيجى الصبح بدرى وتقولنا اصحوا الزمالك هيأخد الدورى ايام ماكان ينفع يخدوا يعنى واحنا نسكت ونقول عادى هى فى ناس كدة عندهم بلادة فى الاحساس بس وانا بصراحة خت منها موقف ومكنتش بكلمها رخامة يعنى
اصل شخصيتى قوية
علشان مزهقكوش بقى بقى كفاية كدة على التعارف وهوريكوا بقى اعظم صداقة فى دنيا اللى عمرى مهلاقى ناس زيهم ابببدا
بس المرات الجاية واوعوا تقولوا علية رغاية

افتتاح

سلامو عليكم

انا مش نونو

انا واحده من ال8 بنانيت
حبية اشكر نونو انها حتفكرنا باحلي سنين عمرنا
شكرا يانونو