واااضح انى نسيت الاصل ولازم افوووق

المدونة دى انا عملتها علشان 8 بنانييت مش علشان نونو وحكوييها اللى مش بتخلص
نرجع لمرجوعنا اية يا نونو كنا بنقول اية ؟
كنا بنقول اننا 8 بنانييت كنا مع بعض فى المدينة الجامعية
عشنا احلى 5 سنين فى حياتنا مع بعض وانا بحكى اللى
كنت كتباة فى مذكراتى واللى بفتكرة من ايام حلوة

وانا فى جونتاموة وانا فى المطبخ ومطحونة افتكرت اللى كنت بعملة فى المشرفات
واقول اةةةةةةةةةة لو مكنتيش خالتى سوسو
وافتكر واقول يعنى من سنة شخصيتك بقييت ضعيفة ؟
اتغيرتى يا نونو اوى !
كنا مرة بقى يا ولاد معندناش اى نوع من الاكل نعمل اية بقى يا ولاد
قولوااااا اية ؟
فى المدينة الجامعية ممنوع اى نوع من انواع الاكل المكرونات والحاجات الى بتتعمل ى المطبخ
نقول لية ؟
يقولوا هو كدة تفرقة عنصرية مفيش يعنى مفيش
طبعا احنا بقى مش بيهمنا حد اصلا وبنجيب وبيتسحب
احنا شعارنا مأخذ بالقوة لايسترد الا بالقوة
صح يا ولاد ولا لأ؟
نعمل اية بقى طبعا عملنا فيلم بوليسى انما اية اللى هووو ؟
أظن ان يوسف شاهيين خسرنى جدااااااااا انة مكتشفنيش
السينما المصرية خسرت نونو
المهم عملنا فيلم
أول مشهد
أول ظهور بقى مين طبعا نونو ومعايا سيمووووووو
انا تعبانة اوى يا ميس اةةةةةةةة حاسة انى هموت
باين الضغط اةةة الحقونى الكلام دة الساعة 12 بليل
ههههههههههههههههههههههههههههههههههههههههه
طيب هتصلكوة بالدكتورة دى صاحية بس فى المبنى اللى جنبنا هتروحوا يا بنات ايوة يا ميس
سيمووو بقى هاتى المفتاح علشان نفتح
وانا اعيط وادمع يالله يا سيموووو انا حاسة انى هموت اةةةةةةةةةةةة
خدنا اللى احنا عايزينوة المفتاااااااح
المفتاح بقى فية اية ؟
قولووا اية يا ولاد ؟
فية مفتاح حجرة المسحوبات
ايون كدة اصحوة معايا انتوة هتناموة ولا اية ؟
ركزوا جدااااااااااااااااااااا
تانى مشهد
مين واقف على السلم مستنى المفتاح من سيمو علشان يفتح الاوضة
رمشووووو خدت المفتاح ها وبعدين
فتحوا القفل بس قالوا مش هييدخلوة الاوضة غير لما ارجع انا وسيمو
انا طبعا بعد ماخدت المفتاح
خلاص خلاص
وطبعا مشرط ودوزو وبؤلظ ومشمش كان واقفين بيراقبوة البنات
والميس
سيموو قالت تستغل الفرصة وتقييس الضغط وقالت انها كانت تعبانة
وطلع ضغطها عالى وادوها دواءءءءءءء
وانا اضحك
المشهد التالت
قولنا بعد ما البنات يناموة والميسات والجو يبقى هاااااااادى
ندخل بقى الاوضة اللى فييها كل حاجتنا
وكل واحد اول ماشاف حاجتة
انا كان مسحوب منى راديوووو ومكواة اة يانى غير المكرونة
اول ماشفتهم بالظبط اكنى شوفت حبيب القلب المجهول بالظبط
الفرحة يا ولاد وهكذاااااااا بقى كلنا
كل واحد شاف حاجتة وقولنا بقى هنتعشى احلى عشا
بس احنا بقى عندنا ضميير علشان بس الصدق
خدنا بقى زجاجة زييت قولنا لزوم العشاء بقى
واتارى يا ولاد بقى اية ؟
قولوا اية ؟
طلعت جااااااااااااز
اخرة الحراااااااااام وحش
بس يا ولاد ضحكنا ضحك مش معقوول عارفين انا عمرى ماضحكت الضحك دة غير
يومها ويوم تانى
مشهد النهاية
عملنا الاكل وكلنا واخدنا حاجتنا بالقوة ههههههههههههههههه
بالزمة مش بنات زى الشربات ولا لأ؟

افتكرت يوم تانى بس والله كان مسخرة ضحكت فية ضحك
كنا فى رمضان كنا بنفطر فى كنتاكى وانا بعشق مهلبية قمر الدين
وعلى حظى كانت خلصت
اعصابى تعبت وعملتلهم 111 زى عمر الشريف زى ماكان بيزعل من فاتن حمامة بالظبط نفس 111
كلنا وخلاص وانا استسلمت ان مفيش مهلبية على الفطار وطبعا كنت هموت
وفجأة واحدة وخطبها كانوا قاعديين بيفطروا جنبنا
وهى عملت مؤدبة
وهو عمل مكسوف
ومكلوش المهلبية بتاعتهم!
رمشوووووووو حبيبتى ربنا يخلييها لية وميحرمهاش منى ؟
قالتلى تييجى ننقل انا وانتى يا نونو على الترابيزة دى ؟
قولتلة اة اجى معاكى مجيش لية ؟
واللى كانوا معانا قالوا يااااااااااى احنا رايحين الحمام انتوة حاجة صعبة
رمشوووووووو بقى قومى يا نونو خلييكى واقفة قدامى لغاية ماأحط المهلبية
فى الشنطة
انا بقى مش مبطلة ضحك وواول ما رمششوو جية تحط المهلبية
انا من كتر الضحك بطنى وجعتنى ووطيت وهى بانت قداااام كل الناس
وقولنا اللى معرفش يعرف
واللى مشفناش يشوف
ومشينا وقولنا نأكلها فى الطريق بقى
أول ما بنعدى الطريق عربية حلوة امورة ضربت الكيس
والمهلبية عملت حادثة جامدة جدااااااااااااااااااااااااااااااا
ولم يتبقى منهااااااا
والعزاء كان بجوار مجمع التحرير جنب باسكت الزبالة
وادى اخرة الحرااااااااااام
ربنا مش بيرضى لييينا بالحراااام خالص


كنا صغيرين بقى والجلالة وخدانا
والله استوحشتونى ومدونتى وحشتنى
بس دة هيبقى الطبيعى الاتنين والتلات عند هولاكووووة
وصيتكوووووووة المدونة فى اليوميين دول برجع الاربع
زى مدونتكوة بردة
واحنا كلنا مع بعض مكرونة ومهلبية

حسبى الله ونعم الوكييييييييييييييل

أةةةةةةةةةةةةةةةةةةةةةةةةة على الى حصل لنونو فى غياب اصدقائى المدونييين
وانا بعييد عن مدونتى حبيبتى وقلبى وكلنى علييها
زى الابن وهو بعييد عن أمة
يا حبيبتى يا مدونتى عاملة اية واخبارك وحد بيشوق علييكى ولا لا ؟
جييت لقييت الناااس كتتير سألت لم تهجر مدونتى
ربنا يجعلها عمرانة كدة بحبايب نونو
حصلى اية بقى ؟
قولت اروح أقعد مع خالتى يوميييييييييييين هى لوحدها ومعندهاش ولاد غلطت !
كرم اخلاقك يا نونو طبعااااااااااااااااااااااااااااااااااااا
قوم أية بقى ؟

روحت وعينكوة ما تشوف إلا النور
معسكر جونتناموةةةةةوما ادراك ما جونتنامووة اهون ؟
مفيش تليفزيون _ مفيش نت _ مفيش _ مفيييييييييييييييييييييييش اى حاجة
ما عليينا دول يومين استحملى بقى وانتى ساكتة لازم لماضة وقلة ادب
المهم نمت وصحيت لقييت بصيص من النوررررررررررررررر
خالتوة عندها شغالة بتييجى تخلص الليلة ؟
انا كنت فى يوم من الايام قولتلها عايزة اتعلم منك بقى يا سوسو الحاجات الجامدة
وهى مسكت فى الكلمة قصدى الفريسة
قوووووووووووووووووووووومى لسة نايمة انا اعرف امك مستحملاكى إزاى ؟
انا قولت جية تهدى النفووووووووس مش اكتر
البسى المريلة مريلة المطبخ مش الحضانة
وطبعا من غير ولا نفس سمعت الكلام
اغسلى الارانب
يا خالتوة
مفيش خالتوة
يا سوسو
مفيش زفت
غسلت الارنب
خلصت خلاص
طيب
طيب يلا بقى اغسلى البوتجاز
يا حبيبتى يا ماما دة انتى رحمة هو فى زى قلب الام ابداااااااااااااااا
حاضر حاضر
تقلى اييدك شوية دلع بنات بلا ارف
وانا اقول والله يا زمن لا بأيدنا زرعنا الشوك
اول مرة احس بشادية فى الفيلم يااااااااااااااااااااااااااا
خلصت يا سوسو
امسحى المطبخ بسرعة عايزين نقعد فى نظافة
اةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةة
حرررررام كفاية اتقى الله
هو دة مسح انا اعرف امك مستحملاكى ازاى ؟
وانا اقول ربنا مايحكمك على شغالة ابداااااااااااااااااااااااااااا
والصوت بقى يا سلام كنت حاسة ان الدننيا بتتفرج علية
يالهوى علييكى انتى معندكيش ضميير خالص شايفة ولا خلاص اتعمييتى
امسحى وأدلوق ماية
ونشفى يا نونو
إيدى باشت إهئ أهئ
بلا دلع بنات بلا ارف
وقال عايزين تتجوزة وندخل بقى فى حوار الجواز
مش كان زمانك وافقتى على فلان بن طنط علانة
كان زمانك معاكى عيلين
انتى اصلا خسارة فية
مش علشان بيشرب سجايير يعنى ولا اخلاقة مش مناسبانى
بلاش دة مش كان زمانك اتجوزتى
فلان التانى كان مالة كان واااااد يا سلام ربنا رحمة منك
يا خالتوة دة كان عايزنى ما اشتغلش
مهو انتى لا بتشتغلى ولا حاجة وكل ما تروحى شغل تتدلعى وتسبيى
انا عارفة امك مستحملاكى ازاى ؟
لا نافعة فى شغل ولا راضية بحد فى جواز ولا نافعة فى مطبخ
بلا ارف انا عارفة جيل اية دة ؟
وانا اقول دة انتى لو كنتى حماتى اةةةةةةةةةةةةةةةةةةةةةةةةةةةةةةةةةةةةةة
شوية بقى قومى لمى الغسيل
حاضرررررررررررررررررررررررررر
قومى شوفى الباب
حاااااضررررررررررررررررر
وانا اقول حاااااضر حاااااضر حاااااضررررررررررررررر
نسيت يوم الحمام المحشى وما ادراك منة
قومى عندنا حمام انهاردة
اةةةةةةةةةةةةةةةةةةةة يانى انا زهقت
اتعلمى بقى عايزة تبقى خايبة
اةةةةةةة يانى واخيرااااااااا قولتلها لأ دة انا عندى مشوار انهاردة لازم اروحة لو مرحتوش ممكن الدنيا تبووظ
معلش ياسووسوو
ولكن المشكلة أو النصيبة ان ايااااامى مع خالتوة سوسو يوم الاتنين والتلات والاربع
ماذا افعل فى معسكر جونتاموووووو
هى طيبة اوى بس عصبية جدااااا وصوتها عالى
هى عايزة تعلمنى !
بس الطريقة غلط
انا تعبت جداااااااااااااااااااااااااااااااااااااااااااااااااااااااااااااااااااااااااااااااا
عارفين انا اكتر حاجة ممكن تموتنى الصوت العالى والعصبية
مش عارفة هستحمل ازاى ؟
انا قولت افضفض معاكوووووة شوية اصلى خلاص على اخرى ؟

إوعى وشششششششششك ! التاج التانى وصل

أولكشى : بكتب بالاحمر مش علشان بحبة جدااااااااااااااااااااااااااااااا

علشان الأهلى هيلعب بس مش اى حد هيلعب مع الزمالك ؟

ماعلينا علشان لو فى حد زملكاوى

ثانييكشى : جالى تااااج من زفتة وقطرران

وهيبقى فية دم لو مردتش

الموضوع مربوط بالطاااااااار قصة كبييرة جدااااااااااااااااا

اصل زفتة وقطران كانوا اصدقاااء مدونتى العسولة

وفجأة عملوة مدونة من غير ما يقوليلى وبعدين قالوا

علشان يصالحونى أدونى التااااااااج

كوووووووووووووووووووسة

ولو مجوبتش هيبقى فية دم وزعل وطاااااااااااار بتحبى كييكى اكتر من ننا وكلام كبيييير

وانا أدام كييكى بضعف اصلا
دى حبيبتى ومقدرش على زعلها

نييجى للمهم وانتى رغاية كدة يا نونو
وزهقتى الناس كلهم بس انا بحب التفاااااصيل

ست اسرار اللي يشوفنا لاول مره ميعرفهومش عننا

1:حساسة اوى اللى بيعرفنى اوى ودول قليلين بيقولوة علية ورقة
هههههههههههههههههههههههههههههههههههه
عندهم خداع بصرى
2:شكاكة جدااااااااا يعنى ازهق اللى ادامى بجد
حاجة تخنق يعنى
3:لماحة جداااااااا بتعمل مع الشك شغل عالى
4: مسالمة لأبعد حد وطببعا دة غلط والناس بتفتكر انى ضعيفة
5:ساعات فية ناس بتحبنى بس مش بعرف احببها خالص
مهما عملوة لية
والله مش نكران جميل بس مش عارفة احبهم اعمل اية ؟
مش عاارفة دة بقى اسمة اية ؟
6:اخيرررررررررررا
فى قمة برودى ببقى بغلى من جوة بس مش بحب اتعصب
وطبعا اى حد ادامى بيتعصب زيادة
وانا ضغطى يعلى اوى
نرجع للأحمر علشان الاهلى طبعا

الناس اللى كانوا بيحسدوا صاحب النصيب اللى هيشوف البلاوى دى !

أسفة جدااااااااا لو كان دمى تقيل البوست دة وكمان رخمة
ومش هيتكرررررررر تاااانى
ولو اتكرررررر اكيييد هتستحملونى
علشان انا نونو حبيبة المدونين كلهم

خلاص يا زفتة انتى وقطرررررران
هدييتوة انبطيتوةةةةةةةةةةةةةةةةة
مرسى جدااااااا لكل اللى هيستحملنى بدمى التقيل فى البوست

ادى التااااااااج لمين
شهرزااااد
كاتب مصرى
اسير حبيبتى
رارا

أخيييرا وبعد عذاااااااب التاااج وصلى ؟

ماشى ياكيكى ؟

لييكى يوم وايييييييييام نونو غير اى اياااااام لو انتى شريرة قيراط

نونو أسد هااااااااااااااااااااااااااااااااااااااااااااااااااااااااااااا

شايفة القوة شايفة زئيير الاسد قوى إزاى ؟

وبعد اللتتدبيييس من الست كيييكى عووووووووووووووووووووووووو

بردة واجب نشكرها عيب يعنى انتى عمرك يا نونو مكنتى قللة الزوق ؟

الطيبات لله
أوعى وشك بقى نونو هتتتدخل بالتقيييل !


أكتب 16 صفة عن نفسك ؟
أولكشى : بحب ربنا اوى وبخاف اعصية وبحس ان دى اكتر صفة حلوة عندى
ولما بعصية بكون مضايقة هههههههههه عندى ضمييير
بس بجد انا حاسة ان ربنا بيسترها معايا فى الدنيا علشان كدة بس
والصراحة نفسى كل اللى يقروة البوست دة يحبوة زى
وبكدة انا واثقة ان هيبقى حبنا فى الله
ثانييكشى :عيلتى اغلى حاجة عندى عندى انتماء غير عادى لأمى وابوية واخواتى
انا معنديش اخوات بنات بس اخواتى الصبيان وخاصة اخوية الصغير
اغلى عندى من نفسى
بحبهم جداااااااااااااااااااااااااااااااااااااااااااااااااااااااااااااااااااااااااااااااااا
ومعرفش لية ؟
ثالثكشى: بحس انى دة مش زمنى ومش عارفة اعيش فية خالص
انا بتاعة زمان الحاجات اللى خلاص راحت عليييها ؟
الحب الحالم اللى مش هدية غير لجوزى وبس
الاخلاص القديم دى من اى اياااام تيتة
يعنى اخرى اوى يوم مأكون متجدددة ايام الاربعيينات
رابعكشى:ينطبق علية مثل
( اتقى شر الحليم اذا غضب ) يعنى انا الحمد لله بنام
وانا مسامحة كل الناس لكن بقى لو فضلت اسامح اسامح
ومفيش فاييدة خلاص
بتبقى خلصت معايا والشخصية بتتمسح من حياتى نهائى
خامسا:
احلى حاجة فى حياتى كانت جدتى والحمد لله ربنا ريحها من المرض
سادسااا:بحب فيلم الحياة منتهى الللذة جداااااااااااااااااااااااااااا
اصلى نكدية وغاوية حبيبى دائما وكل اللى يوزية
سابعا:
بحب العيال العفارييت شلتى العسسسيل
وبدلعهم جداااااااااااااااااااااااااااا
(بيظو - رمششو -دوزو -مشرط - سيمو -ميجو - هنوو-واخير نونو)
ثامنا :
احلى مكان بحبة الاوبرااااا يااااااااااااااااااااااااااااااااااااااااااااا
بحبة جداااااااااااااااااااااااا وعندى استعداد ادفن هناك
تاسعا :
نفسى احج واعمل عمرة بقى وانا لسة صغيرة
نفسى اروح عمرة رمضان
ونفسى اموت وانا بحج ويتصدقوة علية وادفن فى البقيع
عاشرا:
نسيت حاجة مهمة جداااااااااااااااااا
انا اصلا مكنتش بحب التتدوين خالص وكنت بتريق على بيظوو
بس دلوقتى هى اللى بتتريق علية
لانى حبيبت العالم دة اوى
الحادى عششر:
يا جماعة انا اصلا مفضوحة من مدونتى مش ناقصة فضاييح
ورغم انى مهندسة فاشلة وثبت فشلى فى الشغل إلا انى نفسى اشتغل اوى ومش بتاعة قاعدة فى البيت خالص

الثانى عشششر :اصحابى بيقولوة انى بريح دماغى أوى يعنى مش بحب المشاكل
ولا أحب ازعل ولا حد يزعلنى خالص
وبحب الضحك بشكل ياااااااااااااااااااااا بموت فى الضحك والهزار
الثالث عششر :
أصل يعتبر انتيمى اتنيين البحر وجدتى جدتى ماتت
بس البحر موجود بموت ادامة وبحب اقعد وانسى نفسى
واحكيلة على كل حاجة ببقى ادامة مش بتكسف حتى من نسى
الرابع عششر :
هااااااااااااااااااااااااااانت
بحب ابقى واضحة اوى بس بحب الغموض اصلى ساعات ببقى
شخصييتين أو تلاتة عااااادى شيزوفرنية
بس انا شايفة ان دة طبيعى ان الانسان يبقى كدة
ساعات المرونة بتبقى مهمة علشان نعرف نعيش
الخامس عششر :
بحلم بدنييا مفهاش نفاق ولا خداع ولا ناس مزيفة
بحلم اعيش فى رقى وحياة راقية
يااااااااا دة حلم استحالة يتحقق إلا فى الجنة
السادس عششر :
اخيييرا وليس اخرااااااا
نفسى اتعلم ابقى شرسة وكفاية مسالمة بقى
وبعد ما خلاص
يادى الفضيحة ام الجلاجل يادى الجرسة ام شناكل
وخلاص بقيييت مفضوحة جداااااااااااااااا
وانا مش ناقصة
هدى التاج لميين
فارس بلا جواد
سندريلا
Son of Egypt
فى حب مصررر
قلب صغيير كدة يعنى

كورتيزووووووووووووووووووون

فى يوم من الايام فى مرة من المراااااااااااااات الغريبة جدااااا اللى عمرى ماأقدر انساها
حصل اية بقى ؟

كنا فى مسرحية بتاعة محمد منيير مسرحية غريبة كدة بس كانت حلوة والله
المهم انا بقى احب لما اخرج أو اروح رحلة اعمل الواجب واغنى واهرج يعنى احب أخد حقى من اليوم من الاخر

المهم جالى انفلونزا لانى مرحمتش نفسى وتعبت جداااااااااااااا
وبعد ما روحنا بيت الطالبات العيال عملولى ليمون ودواء ونمت بقى

قوم اية بقى ؟
كان عندى تسليم شييت عن القسم بالانجليزى واختكوا فى الانجليزى اية ؟
أوعى وشك يعنى كلينتون يتعلم منى ومونييكا تأخد عندى كورس

سيمووو حبيبتى اتبرعت وقالتلى انتى تعبانة يا نونو انا هتبرع واكتبلك الشييت
كريمة البيت دى واخلاقها عالية فكرتنى بأحمد عز فى ملاكى اسكندرية

المهم سبتلها الشييت بالعربى وهى تترجمة بالانجلييزى واتارى انها كانت بتتدى علية
وانا نايمة تعبانة بخرف من التعب

كانت مضايقة اوى علشان كتبتلها جميعنا فى كلية الفنون التطبيقية
وكانت بتتدعى علية وربنا استجاب

قومت من النوم الساعة 8 الصبح على غير العادة طبعا دة مش بيحصل اصلا فى ايام الكلية
لية بقى ؟
حسيت ان حجمى كبر شوية
قولت جاييز من البرد والسخونية
روحت لسيمووووو وقولتلها انا جسمى فية حاجة غريبة وارم انا خايفة ؟
قالتلى جايز حاجة قرصتك خدى دش وكل حاجة هتبقى كويسة
قولتلها طيب يا سيموووووووو انتى شايفة كدة
خدت دش ونمت على سرير رمشو خوفت من سريرى يكون هو السبب
وقولت اية يالهوى يا نونو بقييتى جربانة على اخر الزمن
ياللللللللللللللللللللللللللللللللللللهوى
وبعديين صحييت الساعة 10الصبح لقييت اية ؟

قال اية خير اللهم اجعلة خيير

ورمت زيادة وعينى وشفايفى وكلة جسمى مفيش حاجة مش كبيرة وورمة ورم غير عادى حاجة تخرع ! اتخرعت جداااااااااااااااااااااااااااا

قولت ما بدهاش قومى يا نونو بقى صحى حد من العيال سيموووو قالت رايها وطلعت غلط صحى حد بقى يفهمك ؟
روحت لميين بقى يا ولاد لبيظووووووووووووووووو
روحت وانا فى قمة الادب والاخلاق العالية زى فاتن حمامة فى فيلم لا انام وهى رايحة لابوها تقولة ان مراتة بتخونة بنفس الادب

بيظووووووووو بيظوووووووووووووووووو
نعم نعم عايزة اية ؟
بيظووو انا ورمت جداااا وبقييت درفييل
وبيظو تقولى اية ؟
يالهوى يا نونو هنعمل اية خدى دش ؟
وانا بقى فى عقل بالى بقييت جربانة ومضايقة وخدت دوش
صحيت مشرط الشرير انتيمى قولتلها قومى انا ورمت قومى شوفى هنيل اية ؟
خلاص بقى فضايح بفضايح صحييت الناس كلهم يلا
اللى معرفش هيشوف نصيبى كدة
مسكت موبيلى وكلمت ماما
قولتلها ماما انا مورمت الحقينى اعمل اية ؟
قالتلى تعالى حالا سيبك من الكلية وتعالى
العيال صمموا انى اروح لدوكتور لبست اوسع حاجة عندى علشان تتدخل فية
ولبست النظارة السوداء بتاعة الست نادية لطفى
ودريت كل حاجة ماعادا شفايفى كنت عاملة زى المشلوليين وشفايفى مخاصمة بعضها
المهم روحت للدوكتور قالى لازم تأخدى كورتيزون حالا يأما هتفرقعى من الورم
قولت مساء الهبل على الاستعباط افرقع انت باين علييك اهبل ولا اية ؟
وخدت الحقنة وطلع عندى حساسية من سبتازول والعدس واكلات كتتتير
خف الورم شوية صغيرين
بيظوووووووو الله يكرمها راحت تسلملى الشييت اللى سيمو تعبت فية
واتارينى دة كلة من دعاء سيمو علية من الشييت

وبعد كدة بقى روحت قعدت فى كافية شوية انا والعيال وبعدين روحنا كلنا وفضلت اسبوع بالشكل دة
يوم من عمرى اصعب من فيلم عبد الحليم كلة
شئ لايصدقة عقل صح ولا لا ؟